ភ្នំពេញ៖ នាយករដ្ឋមន្ត្រីកម្ពុជា សម្តេចតេជោ ហ៊ុន សែន បានព្រមានដល់អ្នកដែលប្រើប្រាស់ឡានគេចពន្ធ ថាអាចនឹងប្រើវិធានការដុតចោលតែម្តងដើម្បីជាគំរូ និងបញ្ចប់បញ្ហាគេចពន្ធរាំរ៉ៃ។

ថ្លែងនៅក្នុងពិធិបិទសន្និបាតបូកសរុបការងារឆ្នាំ ២០២១ និងលើកទិសដៅការងារឆ្នាំ២០២២ របស់ក្រសួងមហាផ្ទៃ នាថ្ងៃទី២៣ ខែកុម្ភៈ ឆ្នាំ២០២២ សម្តេចមានប្រសាសន៍ថា៖ «កាលមុនយើងបានបន្ធូរបន្ថយការបង់ពន្ធ ១០% ដល់រថយន្តដែលមិនទាន់បង់ពន្ធនាំចូល តែពេលនេះបានហួសថ្ងៃចឹងត្រូវបង់ពេញ»។

សម្ដេចបានរំលឹកកាលពីអំឡុងឆ្នាំ៩០ ដែលពេលនោះចាប់ឡានដឹកឈើចាប់បានហើយត្រូវបានក្រុមជនខិលខូចចរចារហើយដោះលែងវិញ ពេលនោះដើម្បីបញ្ចប់បញ្ហានេះសម្តេចតេជោបានបញ្ជាឱ្យដុតចោលតែម្តងជាគំរូ ដោយព្រមានធ្វើរឿងនេះលើឡានអត់ពន្ធដូចគ្នា។

សម្តេចបញ្ជាក់ច្បាស់ថា៖ «ឥឡូវរឿងឡានអត់ពន្ធ បើរកឃើញឡានណាអត់ពន្ធផ្ទះណាក៏ដោយក៏ត្រូវចាប់យកដែរ»៕